بقلم الاديب المبدع / د . علوي القاضي
*(3)* الدراما والثانوية العامة *(3)*
من مذكراتي : د/علوي القاضي.
... وصلا بما سبق واستكمالا للفكرة ، نجد في فيلم (رد قلبي) 1957 ، تتجلى فكرة الطموح من الأب الفقير (الجنايني) ، للإرتقاء بإبناءه ومحاولة مساواتهم بأبناء الباشا ، بل والتطلع إلى مصاهرة الباشا ، وتجلى ذلك في الحوار الٱتي بين الجنايني وأبناءه :
★ أنا ممكن أبقي (ضابط بوليس) بكل سهولة ، أصلهم بيأخدوا بتوع الكورة ، شافوني وأنا بألعب فخدوا أسمي علي طول ، وهخلي العمدة بتاعكم يبوس أيدي
* يبقي (علي) يخش الحربية
★ هو ده معقول !
** ليه بس هما هيلاقوا زي (علي) فين ، قوام ومنظر وأخلاق وأحسن منك
★ طبعاً القرد في عين أمه غزال
"" إختشي يا ولد
= مش قاصده يابا ، الحكاية أن أهم حاجة هي الواسطة ، والحربية بيقدم فيها كل سنة مش أقل من ١٠٠٠ بيأخدوا منهم ٣٠ أو ٤٠
** ياخويا يمكن تكون منهم
= مستحيل !
"" ليه بس يا إبني ؟!
= لأني معنديش واسطة
** يا ابني واسطتك ربنا
★ هو هيخش الجنة ؟! ، ديه المدرسة الحربية لو مكنش واحد كبير يسنده مينفعش
"" واحد كبير ، هو فيه أكبر من أفندينا ، ناخد منه كارت وتبقي المسألة خلصت
★ بس كده ، و أدي كمان ضابط بكرة نجيلك بالمدفع ونهد بيت العمدة ، هنخر بها ونقعد علي تلها
... وتتوالى الأحداث ؛؛؛؛
... وفي فيلم (عمارة يعقوبيان) 2006 ، تتجلي الواسطة والمحسوبية وعدم تكافؤ الفرص في مشهدين ، (الأول) بين إثنين من الطلبة حيث أسرهم المتواضعة ، وهم فى انتظار كشف الهيئة ، ثم المشهد (الثاني) بين لجنة كشف الهيئة والطالب ، في مشهد الإنتظار حدث هذا الحوار :
★ إنت قاعد بعيد كدا ليه
** حالي من حالك الفقر بيفضحنا ، ياريت كل واحد يخليه في حاله من أولها أحسن
★ لا انا عن نفسي كنت قاعد وياهم بس كلامهم معجبنيش عشان كدا بعدت نفسي
** كانو بيتكلموا في إيه الناس دي؟!
★ كانوا بيتكلموا في البابا والماما ، اللي بيقولي أبوه وكيل وزارة ، واللى مستشار ، واللي مشمهندس ، واللي أمه خبيرة في الامم المتحدة ، بيني وبينك خفت يسألوني ، أبوك بيشتغل إيه؟! ، عشان كدا جيت قعدت وياك ، ألااااه إت أبوك ببشتغل إيه ؟!
★ هه حارس عقار ، بواب وإنت ؟!
★ صورماتي ههه ، عندنا محل جزم صغير
** إنت عارف ، لو كانوا يعرفوا إن مكتب التنسيق ، كان هيلم إبن البواب وإبن الصورماتي ، مع ولاد الأمم المتحدة ، كانوا نسفوا مكتب التنسيق دا ههههه
... ثم يدخل أحدهم لجنة كشف الهيئة :
★ أنت مجموعك كبير قوي يا طه ٨٩٪ ، أنت ليه فضلت كلية الشرطة عن بقية كليات القمة ؟!
** عشان أخدم بلدي يا فندم
★ طب ما هو خريج الهندسة ، برضو ممكن يخدم بلده
** طبعا يا فندم ، بس لو كل واحد خدم بلده في المجال اللي بيحبه هتكون خدمته أفضل
★ طب تفتكر إيه هي العناصر اللي يجب تتوفر في ظابط الشرطه ؟!
** الإنضباط ، التشبع بروح العدل ، الحزم ، الشرف ، وأولاً وأخيراً ، لازم يكون إنسان في كل تصرفاته
★ عظيم ، طب إنت والدك بيشتغل إيه يا طه ؟!
** موظف يا فندم
★ موظف ولا حارس عقار ؟!
** يا فندم ما هو حارس العقار موظف برضو
★ إنصراف اللي بعده
... والنتيجة معروفة ، فلا مكان للبسطاء بين الباشوات والبهوات ، ولا مكان لتكافؤ الفرص
... تحياتى ...
تعليقات