بقلم الشاعر المبدع / هيثم محمد عبد العال
عايشين غلابه.... غنائيه
..........
وغصب عنى
يابن عمى
لازم أرضى
بالأذيه وأقول
أمين
ما أحنا الغلابه
فى وسط غابه
والديابه فى كل
حته مسمعين
وإنت مين
إنت فقرى فأصح
بدرى للمعيش
وإرمى حمولك
كل دا قدام إيمانك
ما يساويش
إن كنت ناوى
فالبلاوى وراك تعيش
بلاش مناهته فى
الزمن ده ما تلاقيش
عشان تعيش
تلاقى نفسك بس
نفسك بالبلاش
تتباع مزايده
والمناقصه بالقروش
ما تحبهاش
دنيا ومزاد وإنت
الفقير وسط الديابه
بضاعه فاسده حتى
اللى قدر ما إشتراش
مين فيها عاش
ولا إنكواش بمر طيبته
وحسن نيه ما حسهاش
كفاياك بلاش مليت
كفايه وغصب
عنك ما تلاقيش
حد عاش
دنياك هلاك وعامل
اللى باعك فيها إشتراك
تقول ملاك مش دارى
بالطمع اللى فيه وجاك
مين زي مين
فلا إما ترضى
بالمكتوب تكون
لا إما تعصى
ونفسك عليه تهون
..........
بقلمى
#شاعرالعرب
هيثم محمد عبدالعال
تعليقات