بقلم الشاعر المبدع / د . هشام سليم
أصل الجمال يتحس
عمره ما كان يتشاف
خد مني أجمل درس
دنا ف الجمال عرّاف
مش سود عيون وبس
وشفايف منها تخاف
ولا جمال العود
ولا فم كما العنقود
دا كله بياكله الدود
جمال يعني الروح
الشافية من الجروح
نور يكون ع الوش
من نفس ما بتغش
وصوت خجول بيقول
عند الغلط معلش
جمال يعني حشمة
مش لبس خيش وقش
جمال يعني دين
ف كل وقت وحين
جمال يعني الوقار
مش كل شوية هزار
جمال يعني ابتسامة
مش ضحكة عالية تطرقع
جمال الواحدة آدب
مش كل شوية تفرقع
جمال يعني ثبات
مش واحدة ياناس تتمرقع
أصل الجمال من جوه
عمرها ماكان من بره
جمال المرأة قوة
بيخليها حرة
يامدوّر ع الحلاوة
سيبك من الشقاوة
وسيبك من الملاغية
حب الجسد مش دايم
وحب الروح غيّة
د.هشام سليم
شاعر الحرافيش
تعليقات