بقلم الشاعر المبدع / أشرف الشناوي
........... قبور مبهجه.......
وبعد الشقي
مترشقه في جتتي السكاكين
دورت فين ضحكتي لقيتها وسط الطين
يافرحه فين ارسمك والعمر كله حزين
ياصبح يابو النور مفيش توبين كاستور
يافجر ياطاير زي الحمام مايلوف
اشمعن ولحدنا ماتلف ليه وتطوف
فتحنا باب الأمل وبدينا بالمعروف
لا لقينا فيك حلمنا ولا فرحه بتلمنا
الا ماليها الخوف
ياروح وفين هانروح والقلب بات مجروح
كان نفسي حبة امل أو باب يكون مفتوح
وافتل حبال الغنا من غير ماكون مدبوح
تعبت من دي الاه ودقت الشواكيش
كان نفسي يوم انتصرأو حتى حلمي يعيش
ياخدني تاني الوجع من كفى للدراويش
نستنى فجر الأمل يطلع فاميعديش
نفضل مابين الرحي نطلع ومنها دشيش
نلقي الكلاب عالسكك
ماتسيبش حتى الريش
وان حلم عدا وفلح يرجع عشان الفيش
نفضل مابين الرجا والشط مانصليش
نلقي القبور مبهجه فنخش عالتفتيش
يمكن نلاقي الغنا أو حته فيها نعيش
.................
اشرف الشناوي
شاعر عاميه
البرامون
المنصوره
تعليقات