بقلم الشاعر المبدع / أشرف الشناوي
.......... قوم وابتسم........
ابتسم وبلاش بكا
واضحك وعيش
هي الحياه من غير امل
اي ماتساويش
واحلم ودوس قوم عالوجع
واقفل جراحك لو جدع
وارسم في صبحك لو مفيش
غير حلم واحد بيه تعيش
الفجر جي وفي كفه نور
يملا الغيطان ورد وزهور
بس انت حاول يالا طير
كمل غناك واملا الحياه
اصل اللي فاضل مش كتير
العمر من غير الابتسام
زى البيوت من غير حمام
لا يزوووم ولا تسمع هديل
دا الحزن مهما يكون تقيل
ازاي يهد الكعبه فيل
النور طريق للمستحيل
كمل غنا وامشي الطريق
دا القشه بتنجي الغريق
لو لسه قلبك فيه براح
قوم غربله وهز الجراح
وابدر امل تلقى الصباح
واضحك وعيش وانسى
اللي راح
كمل غناك واملا الحياه
واوعاك تسيب للحزن باب
يدخل ويملا الروح كلاب
لا تحس طعم الابتسام
طول ماانت قلبك فيه الااام
تلقى الغنا ضاع والكلام
واليوم يعدي بالف عام
كمل غناك يالا اوام
قوم وابتسم واملا الحياه
حب وسلام
..............................
اشرف الشناوي
شاعر عاميه
البرامون
المنصوره
تعليقات