بقلم الشاعر المبدع / د. علوى القاضى
!!!...الجواز وسنينه...!!!
سيناريو وحوار :
د/علوى القاضى.
... أحبابى : عارفين الزوج لما يكون راجع من الشغل
وياتري عارفين يعني ايه شغل ، يعني ساعتين مواصلات رايح وساعتين مواصلات جاي و بينهم ١٢ساعه شغل ، وأكيد صاحب الشغل بينرفزه وهو ساكت ومستحمل علشان يعرف يكفي بيته زوجته وأولاده ، والأكثر من ذلك انه بيتعامل مع عملاء وممكن يتشتم أو يتهزق أو يعصبوه وهو ساكت ومستحمل ليه ؟؟!!
. . ببساطة لأنه حامل هم دفع الكهرباء ، والغاز ، والمياه والدروس ، والعلاج ، ومصاريف الاكل ، ومصاريف المواصلات ، واللبس
. . الزوج نفسه ممكن يكون زي اي حد مرتاح شويه
لكن المفروض إنه لما يجي يدخل البيت وشايف الناس كلها ضده منتظر من زوجته إنها تكون سند وضهر ليه وتكون في غايه الجمال والرقه لانه يري في الشوارع المتبرجات وهو يغض بصره ويأتي للبيت حلاله
. . فبالله عليكي ايتها الزوجه لما تشوفي زوجك جاي زي القطار المشتعل الحقيه بشوية مياه .. شوية حنان او كلمه طيبه أو هدوء أو إبتسامه وسيبك من جركن البنزين اللي في ايدك دايما ولسانك وتعبيرات وجهك اللى بتدعوا للقلق والتوتر وشد الأعصاب ورفع ضغط الدم والسكرى
... دى رساله موجهه الي كثير من النساء اللي معندهمش لباقة ولا حسن تصرف ولا حسن اختيار للكلام ولا لوقته وتسعي لخراب بيتها
... حديث وحوار صريح جدا جدا وشيق جدا
إن قلت متخافش وإن خفت ماتقولش :
. . الزوجة .. أنا عايزه 3000 ج حد أدنى لمصروف البيت " الأسعار كلها زادت "
. . الزوج .. " انتى مين .. انتي مين . . انتى دارسه الكلام اللى بتقوليه دة " ؟؟!
. . الزوجة .. أنا مراتك يا حبيبى !!
. . الزوج .. وهو علشان أنا متجوزك بقالى كام سنه دا يسمحلك تقوليلى كدا قدامي وف وشي كمان .. مش حناكل يعني .. مناكلش حنموت من الجوع .. وايه المشكلة .. المهم نبقى كد ااا .
. . الزوجة .. يا حبيبى رمضان داخل وعايزين نجيب الياميش
. . - الزوج .. ياميش .. ياميش ايه ؟؟ أقسم بالله قبل ما أتجوزك قعدت 10 سنين تلاجتى مافيها غير شريط اسبرين ومحدش سمع صوتى !
. . الزوجة .. يا حبيبى العيال عايزة كنافه !!
. . - الزوج .. كمان كنافه يعنى هتخلصوا السكر .. أقسم بالله اللى هيمد ايدة على كيس السكر اللى فى المطبخ لاشيله من على وش الأرض .. هى مش طابونه !!
. . خدوا بالكوا احنا فقرا اووووي .. فقرا أووووي
. . الزوجه .. مكانش ده كلامك ايام الخطوبه وكنت نور عنيك
. . الزوج ..ده كان زمان أيام ماكنت باشتغلك .. وأحور عليكي .
. . الزوجة .. يا راجل أنت جوعتنا وقرفتنا فى عشتنا " طلقنى ؛؛ طلقنى "
. . - الزوج .. اقولك علي حاجة .. اي حاجة تغلي متشتريهاش .. ومش هطلقك وأحمدى ربنا " أنك أحسن من سامية ودليله "
... تحياتى .. .
تعليقات