بقلم الشاعر المبدع / هيثم محمد عبد العال

عمر الفقير يتحب؟ 

........ 

بحبك رغم طول بعدك

ومش هجرك ولا عندك

ولا صدك ولا عناد ردكك

يخلينى أنسى اللى صار منك

يامكنونتى ومحبوبتى الهوى بعدك

ملوش فى البعاد لو طال الجفا صدك

أنا عمرى ما مليت ولا غيرى لهواك حدك

فسمحينى أنا العاشق والتايه فى ليل هجرك

..... 

ما حناشى الليالى طوال وموالى فى هجرك طال

وغدر البحر لو تهدى حتى أمواجه عنيده أمواج

فلو طال البعاد بينا وحنينا وما أعرفنا آخرة الموال

يانور والنار ما دافياشى ياليل ونهار شمسه ما طلعاشى

...... 

وآخرة بعدك ما بايناشى فى صد ورد ما جاياشى

غرامك والدموع تتمد عيونى فى بعدك ما شايفاش حد

فسيبك لا البنا يتهد أنا حبيت والغرام على القد

فما تمليش وتتدارى وتذيدى فى الهموم جارى

....... 

أنا حبيت والحب مش كارى لا أنا مرتاح ولا هادى

ومش شايفانى واد فافى أنا قوتى جايبه بأكتافى

فما تذوديش الحمل أنا بتعشى رغيف حافى

لا أنا زيك ولا عروقى يمدوا لحد من جدك

........ 

فخليكى فى اللى شبه جدك وعروقه تمد لعروقك

وسامحينى لو فى الفضفضه رخمت ولا فى الأصول بوخت

أنا حالى كما شايفه والعرق على أكتافى أهى شاهده

حرام زيك فيا أنا للغرام يشتد هواكى للحبيب يمتد

وزيى فى الغرام ينداس ملوش فى النصيب بقى حد

فسيبك من الكلام والقول وخليكى حلم صعب أنا أطول

....... 

بقلمى 

#شاعرالعرب 

هيثم محمد عبدالعال