بقلم الشاعر المبدع / د . هشام سليم
صحرا وجهل
وقتل وسرقة مابين الأهل
وزنا وخمر
واستفحل أمر
ووأد بنات وكمان ربا
وف الموبقات موهبة
حياة ضياع
ودنيا شهوة مليانة متاع
عبيد وجواري
ما حد داري
دنيا ياناس مليانة فساد
الكفر ساد
سادت عبادة الأصنام
والأوثان
كانوا عايشين زي الأغنام
والظلم بان
ظهر اليتيم
ابن الذبيح
ف عصر لئيم
لكل ذنب بيستبيح
كان ف الغار بيتعبّد
وم الحقيقة بيتأكد
ربه شاء
والوحي جاء
واقرأ كانت البداية
مين عليا ومين معايا
أحد أحد
فرد صمد
لا إله إلا الله
محمدٌ رسول الله
صوت الإيمان
دين الرحمة دين الحنان
يضمن عزة للإنسان
طريقه كان مفروش أشواك
حواليه عراك
ربه ليه مبعتش ملاك؟
رسول ينادي ياناس بالعدل
ودين مليان بالخير والفضل
وبقول وساخر
أكيد ده ساحر
فاتح للحرية باب
أكيد كداب
لأ ده كاهن
أكيد مداهن
عايز ملك نملّكه
وإلا ياقوم حنهلكه
تعذيب لنبينا وأصحابه
هاجر بدينه وأحبابه
للمدينة
يثرب زينة
وغار وحمامة
ضمنوا السلامة
لنبينا الهادي والصديق
الصدّيق
خير رفيق
بدر وأحد والأحزاب
فتحوا السكة
لأحلي مكة
حج وحط لينا دستور
رسول الخير رسول النور
قرآن وسنة
طريق الجنة
ربّي وعلّم
صلي الله عليه وسلّم
د.هشام سليم
شاعر الحرافيش
تعليقات