بقلم الشاعر المبدع / د . هشام سليم
لسه بدري يارمضان
لسه يا شهر القرآن
متخليك حبة
وزيد محبة
وكل الأحبة
تفضل تحب
وتفتح قلب
لتسامح
الكل فيك بيسامح
فيك تتغير كل ملامح
رمضان كريم
مسحراتي ف عيني دمعة
طفت فانوسي أبو شمعة
ودقة طبلتي ماهيش سامعة
رمضان كريم
ماشي ف حاراتي بتطوّح
عشان رمضان ناوي يروّح
ومسحراتي حيتسوّح
يشتاق لنسمة بعد الفطار
وعند السحور
العقل طار
وراح النور
ياريتك سنة
بكل الهنا
بكل التقوي والغفران
يارمضان
مسحراتي
وبهاتي
ومليش لازمة ياصاحيين
عمال أنادي
علي ولادي
وأحفادي
بثبّت جدر
وباخد هُدر
وبعده هدر
اصحي يا فاطمة
للقمة قاطمة
حطي الفيشة
واصحي ياعيشة
تصحي فؤاد
يصحي عماد
يصحي إياد
يارب عليك الاعتماد
اصحي ياعايدة
صحي فادية
اصحي يانادية
قومي صحي هادية
تصحي هدي
وأبو الفدا
صحي لوريندا
وكمان لوسيندا
تفضها سيرة
وبلاش كلام
تصحي أميرة
يقوم ياإسلام
كفاية نوم
كلها يدوب كام يوم
وحنشتاقله
شهر كريم
وحنندهله
رمضان كريم
وعلي طبلي اطبّل
ومش بهبّل
عاشق لف
وعقلي اتهف
من البركات
ومن غفران السيئات
احنا عبيد لرب رحيم
ورمضااااااان كريييييم
د. هشام سليم
شاعر الحرافيش
تعليقات