بقلم الشاعر المبدع / هيثم محمد عبد العال
إعمل عبيط
...........
ترضاها ليك
تكون شريك
يكون عدوك
كاسر عنيك
مهيش مقايسه
وكلام مزايده
لكن فى غابه
عداله غايبه
يرضيك تهون
وإن هان تكون
فى إحد السجون
لو يوم يبان
إنك جبان
لازم تكون
فرعون هامان
أو حتى خاين
أو حتى واحد من التيران
كلام عيال مظبوط تمام
سيبك وركز فى النظام
أهم حاجة كتر الكلام
نعمل دعايه ونجيب هدايه
نكسر بيها عين مين معانه
عشان ما يتلجم بنيه
هى إيه أصل الحكايه
هى لمه وعايزه عامه
عشان يكون هو الضحيه
هو المعاكس والمشاكس
وهو اللى يستاهل العلقه اللى هيه
لو بات ينادى فى الميدان
ما حد يسمعله كلام
واللى نشوفه فى المكان
ولا حتى يبان عليه لحظة جنان
فى لحظه يلاقى نفسه ورا البيبان
خليك حويط بيرك غويط
وإوعاك تبان فاهم سليط
خليك فى نظر الناس عبيط
.........
بقلمى
#شاعرالعرب
هيثم محمد عبدالعال
تعليقات