بقلم الشاعر المبدع / أشرف الشناوي
............ نخاف من ايه..........
ونقلق ليه
مادام رب العباد
موجود
نخاف من ايه
مادام لسه الامل
ممدود
لا ضحكه دايمه
او دمعه
ولا سكه ماليها قرود
مَادام بتصلي
وتسبح
اكيد هايجود
دا ربك وحده مالكها
سما وحدود
تعدي بأمره لو قابلك
نمور واسود
وبكره اكيد هاتتعدل
وياما شهود
وياما ناس كانت عيضه
وبعد ميزانها ماتعدل
بقت بتزوود
وناس الفقر يعدلها
لا تبقي فهود
وربك وحده قسمها
غيطان أو عود
فصفي النيه واغسلها
وبالموجود
وهز الصبح ينزلك
غناوي وروود
وغربل كل احزانك
وريح م الهموم بالك
فمش هاتعود
وغني في وش عزالك
تلاقي كل أحلامك
وجايالك
بدون مجهود
مادام ربك
مفيش غيره
ملك للجود
.....................
اشرف الشناوي
شاعر عاميه
البرامون
المنصوره
تعليقات