بقلم الشاعر الرائع / ابو احمد ابراهيم معيكى
(من نظمي..وبقلمي)
....فلسطين الجريحة....
آه..آه عليكي يافلسطين
جرحتي قلب الملايين
وأطفالك هالمساكين
بالسّاحات مقتولين
يللي سلاحن حجارة
ومقليعة آه ياخسارة
بينقصفوا بالطيّارة
ألله وحدو اللي بيعين
هدّوا البيوت عاصحابا
وخلعوا للناس بوابا
وعم تنتظر أحبابا
يشدّوا أزرا ومتّكلين
مريم رجعت عاديارا
تاتستقبل زوّارا
والطفل اللي بالمغارة
يدعي بالنصر المبين
أنا راجع عالضيعة
وحامل معي مقليعة
وبدنا نقلّع تقليعة
العدو الغاصب اللعين
ياعرب شدّوا الهمّة
عافلسطين المنهمّة
نبارك لبيّي وأمّي
رح ترجعلنا الدارا
مفتاحي بعدو بجيبي
راجع وكلّي هيبة
فلسطين السليبة
عم بتنادي بجسارة
هبّوا هبّوا ياولادي
ردّوا الجبل والوادي
ونتماسك بالأيادي
تانرجع عالصدارة
عيسى بينادي..أمّي
البسمة عليها مرتسمي
ومريم بتنادي الأمة
هبّوا وجيروا هالجارة
الأقصى للبيت الحرام
بيندهلو ولابس الحزام
دنّسوني هاللئام
وبدّن يهدّوا حجارا
انشاء الله ياخواني
رح ندحر الصهيوني
والكشتيز المنصاني
موضايع فينا خسارة
صيحة ورح بدّي صيحا
كلمة وحدة وصريحة
فلسطين الدبيحة
عانحرا حطّوا سكّين
أنا سوري ياخواني
فلسطين بوجداني
دمّا بيجري بشرياني
لازم نكون متّحدين
(أبوأحمدإبراهيم معيكي)
تعليقات