بقلم الشاعر / د.علوى القاضى

" ... الجواز وسنينه ... "
سيناريو وحوار :
د/علوى القاضى.
... من واقع الحياة الزوجية المصرية
- الزوجة : طلقنى حالا
- الزوج  : حاضر تحت أمرك يافندم
- الزوجة : إيه بقا حاضر ديه إن شاء الله بتتريق عليا !!
- الزوج  : حاضر يعني حاضر هطلقك إيه اللي مش 
        مفهوم ف كلامي بقى  !؟
- الزوجة : مش عايز تعرف عايزاك  تطلقنى ليه ؟!
- الزوج  : فاكر انك كنتي قلتيلي قبل كده كذا حاجة 
       وأكيد عندك أسبابك الخاصة والمنطقية اللي 
       تخليكي تطلبي الطلاق طبعا إنتي مش صغيرة 
      وعارفة مصلحتك كويس
- الزوجة : يعني إيه بقا مش صغيرة ديه ! لأ يا حبيبي أنا 
        لسه صغيرة ونص ولو كنت إنت مابتشوفش ولابس 
       نضارة ده مش ذنبى
-  الزوج : خلاص إنتي صغيرة وعارفة مصلحتك كويس
-  الزوجة : صغيرة في السن بس عقلي كبير يوزن بلد
       وفاهمة الدنيا كويس دانا بميت راجل
-  الزوج : أكيد طبعا ولولا كده ماكنتش اتجوزتك اصلا
- الزوجة : ماشى هتطلقني إمتى بقا ؟!
- الزوج : بعد ما أرجع من الشغل بكره علشان المأذون.  
       نايم دلوقتى
- الزوجة :  وهتعمل إيه ف الولاد ؟!
- الزوج : زي ما إنتي عايزة
- الزوجة : مش زي ما انا عايزة يا بابا، زي قانون الأسرة 
       الجديد ما بيقول  العيال هيفضلوا معايا لحد ما 
       يتموا ١٨ سنة
-  الزوج : ماشي.. ولو عايزاهم على طول براحتك
-  الزوجة : طبعاً عايز تخلص منهم عشان تتصرمح 
       وتروح تتجوز وأنا اللي افضل موقفة حياتي ف 
       تربيتهم والآخر تاخدهم جاهزين ومتربيين !
-  الزوج : خلاص هاخدهم اربيهم واتصرمحي إنتي 
       واتجوزي براحتك
- الزوجة :  لا يا حبيبي، الصرمحة ليها ناسها ومش 
       هتلوي دراعي بالعيال وهاخدهم غصب عنك
- الزوج  : حاضر خليهم من غير غصب
- الزوجة : وهاخد الشقة زي ما القانون بيقول
-  الزوج : ماشي ومالوا
- الزوجة : طبعاً، ما إنت هتسيبهالي خرابة وتروح 
       تجيبلك شقة نضيفة  ما أهوه أنا وعيالك مش 
       مهمين عندك
-  الزوج : مهمين طبعاً هو انا ليا غيركم
-  الزوجة : والنفقة هاخدها من عينك 
-  الزوج : من عينيا حاضر
-  الزوجة : وهنقل الولاد ف مدارس إنترناشيونال 
       وهتدفع مصاريفهم كاملة
- الزوج :  أحسن برضو
- الزوجة : والعربية
- الزوج : تحت أمرك يافندم
-  الزوجة : تقدر تقولي هتقعد فين بقا بعد الطلاق ؟ !
- الزوج :  هتصرف ماتشغليش بالك بيا
- الزوجة : وأشغل بالي ليه ! ما إنت هتسيبني معكوكة.  
       مع عيالك وتروح إنت تروق دماغك ف أي حتة
- الزوج : ربنا يسهل ادعيلى
- الزوجة : طب إيه رأيك بقا إننا هنتطلق وهتقعد معانا 
       هنا ما أنا مش هشيل الطين كله لوحدي 
-  الزوج : حاضر يافندم (  وقام اتحرك من مكانه )
- الزوجة :  قايم رايح فين؟ ! 
- الزوج : رايح الحمام
- الزوجة : إعمل حسابك لو قطعت شرايينك بالموس زي 
       كل مرة هنكد عليك عيشتك.. أنا مش مستعدة أبقا 
       أرملة وكل من هب ودب يجيب ف سيرتي
- الزوج : أنتحر ازاى بس وأسيب الكيكة العسل  اللي فى   
       المطبخ ديه لمين صنعة اديكي وحياة عنيكى ! 
-  الزوجة : بجد عجبتك ! 
-  الزوج  : ديه تحفة انا عمري ما أكلت زيها وف حلاوتها
- الزوجة :  بس حاساها هبطانة وناشفة وسكرها كتير 
       ومش عاجباك 
- الزوج  :  إوعي تقولي كده، ديه أحلى كيكة دوقتها ف 
       حياتي خشي هاتيلي منها أكبر حتة
-  الزوجة : ماشي وهعملك  فنجان قهوة يعدل مزاجك
... أحبابى : 
... ياريت الناس تعقل وتفهم ان الحياه قصيره ومالهاش 
    قيمه ومش مستاهله جهد نفسي ولا بدني ولاذهني
... ماكان لك سوف ياتيك
... و البيوت محتاجه استقرار وهدوء
..  احنا في وقت ازمه محتاج منا الصبر والتحمل والجلد
    ونحتسب كل ده عند ربنا
... وربنا هو اللي بيجازي الصابرين علي قد صبرهم
... ربنا يحسن ختامنا
... تحياتى ...


تعليقات

إرسال تعليق

المشاركات الشائعة من هذه المدونة

بقلم الشاعر المبدع / د . الشريف حسن ذياب الخطيب

صورة
"لو كنت جانبي": لو كنت جانبي  لوطفت الأرض معي لرأيت في عينيك كل ما يدور في خيالي لو كنت جانبي لسمعت همس قلبك يناجي قلبي بحنين ويحكي لي عن آماله لو كنت جانبي لشعرت بحرارة أنفاسك تحرق جوانحي بلهيب وتذيب كل حواجز بيننا لو كنت جانبي لرأيت في ابتسامتك كل الفرح والأمل  الذي طالما حلمت به لو كنت جانبي لاحتضنتك بذراعي وأدفأ جسدك ببساطة كما تدفئ الشمس الأرض لو كنت جانبي لعشنا معا أجمل الأيام نرسم حياتنا بأحلامنا ونتفانى في حب لا ينتهي لو كنت جانبي لتنازلت عن كل شيء فقط لأكون معك وأن تكون أنت بجانبي لو كنت جانبي لأحببت كل تفاصيلك صوتك، ضحكتك، حتى أنفاسك كل شيء فيك يأسرني لو كنت جانبي لأمسكت بيدك بحنان وأنا أغرق في عينيك الساحرتين أستمد منهما القوة والإلهام لو كنت جانبي لتركت لك كل قلبي وضمِّنته كل آمالي وأحلامي لتكون له الحاضن الأمين لو كنت جانبي لغنيت لك أجمل الألحان وأهديك قصائد الحب والغزل لأنشد لك مدى شغفي بك لو كنت جانبي لكان العالم كله لنا نملكه بكل حريتنا ونعيش فيه بأجمل أحلامنا لو كنت جانبي لواصلنا معا رحلتنا نمشي بخطى متناغمة نتعانق بحنان لا ينتهي لو كنت جانبي لعشنا معا أجمل ا...
قراءة المزيد

بقلم الشاعر المبدع / محمد ابراهيم الشافعي

صورة
‏ كلماتي  عانق فؤادي  عانِق فؤادي ما اسْتطعْتَ و ضُمّني حتّى تُحطّمَ بالضّلوعِ , ضلوعي..! ظَمَأي إليكَ أشَدُّ مِنْ عَطَشٍ , ومِن لهَفٍ , ومِنْ شَوْقٍ إليكَ , وجُوعِ... لا يَنْفَعُ الأجْسادَ بْرْدُ شَرابِها , و الرّوحُ عَنْها في نَوَىً و طلٌوعِ..! ما كنتُ حيّاً حينَ أنْتَ هجَرْتني ! فأعِدْ إليّ الرّوحَ , قبْلَ هُجُوعي..!! لو قِسْتَ ليلي في الغِيابِ وجَدْتَهُ دهْراً تطَاوَلَ , أوْ عَذابَ نُزُوعِ... ما ذنْبُ قلبي أنْ يرَاكَ مُهاجِرا..! عِدْ أنْ تَعُودَ إليهِ دونَ رجُوعِ..  فالنّفْسُ بالآمالِ تَحْيا عُمْرَها و العيْنُ .. يَكْفيها نُزوحُ دمُوعِ... فلكُلِّ روحٍ , توْأمٌ تَحْيا بهِ و بدونهِ .. فالرّوحُ دونَ سُطوعِ ..!! محمد ابراهيم الشافعي
قراءة المزيد

بقلم الأديب المبدع / السيد صاري جلال الدين

صورة
المادة " سورة القدر مطلعها ظماءر تفسرها سورة البينة  بقلم السيد صاري جلال الدين  باحث في علم البيان للقرآن الكريم  البلد:  الجزائر 🇩🇿 🇩🇿 🇩🇿 🇩🇿 🇩🇿  اليكم المقال( جلسة طيبة ) : ضماءر سورة القدر و تبيان سرها سورة البينة  ليلة القدر ليلة السجود و الاقتراب إِنَّآ أَنزَلۡنَٰهُ فِي لَيۡلَةِ ٱلۡقَدۡرِ : انها اية الظماءر توضحها سورة البينة : رَسُولٌ مِّنَ اللَّهِ يَتْلُو صُحُفًا مُّطَهَّرَةً إِنَّآ: نون العظمة: اللَّه أَنزَلۡنَٰهُ: القرآن الكريم: صُحُفًا مُّطَهَّرَةً المرسل اليه : رَسُولٌ مِّنَ اللَّهِ سورة البينة : بينت الظماءر و اظهرتها  القدر : هي المنزلة و الشرف و القدر العظيم و هي المكانة  و لها تفسير آخر: المقادير و الارزاق : فِيهَا يُفْرَقُ كُلُّ أَمْرٍ حَكِيمٍ ليلة الشرف من جليل قدرها  ما ادراك ( بصيغة الماضي) فيها تفصيل ما بعدها  ما يدريك ( بصيغة المستقبل) ليس فيها تفصيل ،" تركها مبهمة  نون العظمة( انا) للتاكيد ياتي وراءه الافراد حتى لا يشرك به احدا  ما ادراك : ما اعلمك : فقال في الامور العظيمة التي فيها التعظيم و التفخيم  لو تعلم ما قدرها : علمك محدود بها  كل  ما...
قراءة المزيد