بقلم الشاعر المبدع / هيثم محمد عبد العال
لا ....... غنائيه
..........
عمري ما
بصيت فوق
ولا جيت فى
يوم على حد
عايشها ورغيف
عيش لو حتى
حاف بيسد
أنا زيى زى
كتير أنا نفسي
أعيش علي القد
تعبت يآمه
شقيت
لفيت وما خليت
لجل أما أفوق
فلقيت
نفسي كما
إنشليت
لا قادر ولا عديت
أرفع حيطان البيت
بحلم لروحى حجات
تنفع ولا الحكايات
لا راحت
سنين ولا جات
خايب كما البدايات
خايف الحيطان تتهد
يوم ما الإيدين تتمد
مين للطوفان
يوم سد
عمرك سنين تتعد
فأكبر لعودك شد
فما تعيشهاش
عويل مرتد
ولا تعمل
حسابها لحد
.........
بقلمى
#شاعرالعرب
هيثم محمد عبدالعال
تعليقات