بقلم الشاعر المبدع / د. هشام سليم
أنا اللي داق الحلو ما استطعمه
أنا اللي جاتلي مصايب وهم ما أعظمه
أنا الغريب
أنا القريب
مليش طبيب
مريض ومرضي نفسه أفهمه
أنا المسكين
المستكين
مريت بدرس نفسي ياناس اتعلمه
مسحراتي
بفول حراتي
عارف حدوده
مفيش مشاكل
انا نفسي آكل
مش بدوده
مسحراتي
مفيش خباثة
لا أعرف فن
ولا سياسة
كلي كياسة
ماشي ف حالي
أربي عيالي
بالتقسيط
وجنب الحيط
اصحي يامصري
قوم صحي بصري
اصحي ياباشا
وكل قطايف
وكل بغاشه
ياغلبان
يابغبغان
قالوا عليك الألعوبان
اصحي ياحمو
ياتقل دمه
ساكن رصيف
صحي شريف
واعمل شربف
بجبنة قديمة
ونص رغيف
يامصر قومي من النومة
اصحي معانا ياحكومة
احنا طوايف مظلومة
عايزين نوصل معلومة
الفقر واحد
قاتل وجاحد
عامل مصايب
قاعدة معانا ما انزاحت
الدق طاب لي علي طبلي
زي الدق علي رآسي
كل المآسي
علي مقاسي
رمضان كريم
د. هشام سليم
شاعر الحرافيش
تعليقات