بقلم الشاعر المبدع / د . هشام سليم
هلت ليالي الصيام
متزيّنة بالرحمات
مفيش نميمة وكلام
بيضيّع الحسنات
مسحراتي
ماشي بخبط علي طبلتي
وحيرتي تعبر عن دهشتي
فينك ياأجمل الأيام
مسحراتي وبهاتي
الجار ده عمي
والجارة خالتي
شايلين همي
عارفين حالتي
أكل جماعي ف أي بيت
ومن غير داعي اتغديت
لجو اجتماعي أنا هويت
واتربيت
رمضان ده زينة
عمري ما شفت عيون حزينة
فرحة عالية والنية غالية
رمضان كريم
دوق الخشاف ويا الكنافة
لطيف لطافة
ولا القطايف
ف السحر طايف
اصحي يانور
يلا السحور
محلا زمان
تصحي إيمان
تصحّي روان
اصحي ياخالد
قوم صحي حامد
يصحّي ماجد
ويصحي ساجد
ليالي هايلة
اصحي ياأيلا
صحّي نهيلة
اصحي يامنة
دي فيها إنَّ
ف السراء
ننادي إسراء
تصحي دعاء
تصحي وفاء
نايم وفاق
ماشي ف حاراتي
مسحراتي
أنادي وأقول
صوموا وصلوا
كلوا وحلّوا
حاللو حاللو
ياليالي الصوم
بالتقوي هلّوا
ف الطريق المستقيم
رمضاااااان كرييييييم
د. هشام سليم
شاعر الحرافيش
تعليقات