بقلم الشاعر المبدع / د .هشام سليم
مسحراتي
ماشي ف حاراتي
منقراتي
وزي حالاتي
شايف كتير
دُرت بضمير
ف شر وخير
لاففها داير
وكنت حاير
بالحناطير
علي الكورنيش
شفت واحد م الحرافيش
داب واستوي
يشم هوا
حاسس كإنة في لندرة
أدامه واحد بيشوي درة
المشوية مهلبية
وبتاع جيلاتي
داير ليلاتي
زي حالاتي
مسحراتي
يفتح صدره يشم يود
حامد وشاكر
ربنا المعبود
طول عمره عايش ع المحدود
مهو أصل الجودة بالموجود
مسحراتي بنادي محمود
يجري يصحي الواد مسعود
عبد االمعبود
اصحي يانايم
ف نومك عايم
اصحي ياحاج عبد الدايم
نصيب وقسمة
اصحي يانسمة
قومي صحي بسمة
يامنجي من المهالك
اصحي يامالك
كلك ذوق
صحّي شروق
بلف حارة
اصحي باسارة
يانجلاء
صحي أمل وشيماء
ياإيمان
صحي جيهان
وأسمهان
ثانية بثانية
اصحي يارانيا
قومي صحي سامية
غالية علينا
اصحي يادنيا
وصحي دينا
تصحي وعد
تصحي شهد
وهلّا هلّا
ياعبد الله
مش حتصدق
أنا عندي مبدأ
أنا شفت مينا
عيّد علينا
وعاش الهلال مع الصليب
أغلي حبيب
ف بلدنا مصر أم الدنيا
ثانية بثانية
نقول تواشيح
وف التراويح
عقلي اتهف
وغاوي لف
أسحر الصايمين
نعبد عظيم
ورمضاااااااان كرييييم
د. هشام سليم
شاعر الحرافيش
تعليقات