بقلم الشاعر المبدع / د . هشام سليم
حلوة حياتي
طول ما بنقر علي طبلتي
مسحراتي
أنادي عليكم
منكم وليكم
عمري ما كنت ف يوم عليكم
أنتوا الأساس
وغيركو مفيش
ياأحسن ناس
ياحرافيش
رمضان كريم
مسحراتي
لافف حاراتي
وحواراتي
مش خلصانة
ياناس تعبانة
ومخنوقة
عايشين ف دنيا مزنوقة
دايما نخاف من اللي جاي
يارب نلاقي سكر وشاي
ولقمة حاف تربي كتاف
وعيش وملح
وذرة فرح
للأزمة يمكن نلاقي شرح
اصحي يانايم
اصحي ياصايم
اصحي ياهايم
رمضان كريم
صحي كريم
وعبد العظيم
يصحي فهيم
محلا الطريق المستقيم
قومي م النومة
اصحي ياثومة
صحي أبودومة
اصحي ياماجد
قوم صحي حامد
اصحي ياوائل
صحي نائل
اصحي ياهالة
صحي جالا
تصحي أيلا
تصحي نُهيلة
تصحي سامر
يصحي آمر
يصحي آسر
بلاش معاندة
تصحي لوريدا
وكمان لوسيندا
اصحي ياوعد
قومي صحي شهد
تصحي ميار
وكمان أفكار
ياعبد الله
اصحي يلا
رمضان كريم
لافف وطايف
وقلبي خايف
متصحوش
ياسهرانين
ومتناموش
اصحي يلا ياكسلان
يانعسان
اتسحروا
اتغيروا
سابت مفاصلي
منا أصلي أصلي
مسحراتي
السحور بركة ونور
بيض وفول
كده علي طول
حتة كنافة تاكلها عادي
ولبن زبادي
اصحوا بقي يابناتي
ويا أولادي
رجال وحريم
رمضاااااان كرييييم
د. هشام سليم
شاعر الحرافيش
تعليقات