بقلم الشاعر المبدع / د . هشام سليم
الحارة بيتي أنا فيها طايف
ماشي بسحر بليل مش خايف
نفسي ف كنافة نفسي ف قطايف
رمضان كريم
مسحراتي بحب بلدي
أغلي شئ ف حياتي عندي
أم الدنيا بقي ياعم
مهما عملت ودقت هم
دايما ف قلبي بفديها
لو يوم ظلمتني بعديها
مسحراتي أنا لكن شقيان
أنا المكافح ومن زمان
كاحح تراب
حياتي عذاب
آه ياعالم
أنا المثقف وبتعامل
والمجد فيها لعوالم
رمضان كريم
مسحراتي
لافف حاراتي
كاتم آهاتي
اصحي ياعامل
قوم صحي كامل
اصحي ياتامر
قوم صحي عامر
يصحي آمر
رمضان كريم
المشي غية
وفيه ملاغية
اصحي ياأحمد
صحي عطية
يصحي هنية
وفتحية
وسعدية
اصحي يامصر
يابهية
الطبلة بايشة
ولسه عايشة
واسيادنا حاشية
بالملايين
بيقولوا قال مصريين
رمضان كريم
عنق زجاجة
وباللذاذة
نفسي اسمع
من أين لك
بطل لك
كسبت هذا
مستني حزمة
ماليها لازمة
وعاملة أزمة
رمضان كريم
اصحي ياعزة
وادّعي لغزة
ياأرض عزة
ده شئ رئيسي
ادعي يامصري
لرئيسنا السيسي
فخر العروبة
رئيس عظيم
ورمضااااااان كرييييييم
د. هشام سليم
شاعر الحرافيش
تعليقات